Алғашқы турслетте Бас жүлдені жеңіп алған 8 «Б» сынып оқушыларының

турслеттен алған әсерлерінен үзінді             

 Амангелді Даяна .    Бұл біздің алғашқы сынып болып, туристік слетке шығуымыз еді. Сол күні айналаның сап – сары жапырақтарға боялған түсі ауа райының қолайсыздығын сездіртпеді. Қаланың ығы-жығы өмірінен демалып, кең байтақ жазық даламен тілдестік.                     Якупов Ерназар.                                                                                                                          Таңғы сағат – 7. Көңіл – күйім жоқ, ауа райы суық, жел соғып тұр. «Шідертіге» жеткеннен кейін басталған эстафета ойынының қызықты болғаны сонша, таңертеңгі көңіл – күйдің бірі де қалмады...                                         

   ШарапиденоваДильназ.                                                                                                                       ...Күннің  оянып, ұясынан шығуын күтпей, ерте тұрдым. Керек жабдықтарымды жинап, бүгінгі күннің есте қаларлықтай өтетініне сендім. Автобуста өлең айтып, әңгіме – дүкен құрдық. Келген бетте палатка құрып,, самауыр қайнатып, айналаны безендірдік. Табиғат сұлулығы, аңқыған самауыр иісі, күлімдеген балалар қуанышы бұл мерекеге сән берді. Біздің сыныбымыз ең мықты, бірлігі жарасқан, Бас жүлдеге ие болған болып, «Зерде»  мектебінің тарихында қалатыны сөзсіз!                     

Бейсембина Дария                                                                                                                                               ...Ең әдемі - алтын күздің көркіне тамсандық. Бірақ айналадағы қоқыстың жатуы бізге ұнамады. Бірден жинай бастадық. Басқа сыныптың оқушылары, кейбір ата – аналар да өздерінің қоқыстарын жинауды ойламады. Ал, туристік жорығымыздың ең басты мақсаты – экологияны сақтау емес пе еді...                                                                                                                       СейтқазинаАяулым.                                                                                                                                        .... Қабырға газетін салу менімен Лаураға жүктелді. Жаңбыр жауа бастады. Сол кезде Амина, Гүлнар және Дильназ бір баланың үлкен «дождевигін» алып, бізді жауыннан қорғады. Сол кезде біздің сыныптың ұйымшылдығын байқадым. Өздері жаңбыр астында қалса да, біз үшін барлық күштерін жұмсады. Өйткені, біз бір үйдің баласындаймыз!                                                                          

АбсаттароваАмина.                                                                                                                                 ... Бұл жеңіске жетуіміз, ең алдымен, ұйымшылдықтың арқасы. Мектебіме, ата –аналарға, сынып жетекшіме мұндай керемет қуаныш сыйлағандары үшін көп алғыс білдіремін! Бұл жеңістің артында көп еңбек жатыр. Турслеттің   тағы бір маңызды міндеті – балалардың география және өлкетану туралы алған білімімін практика түрінде жетілдірді. Менің ойымша, Турслет  бар оқушыға сөзбен жеткізбес әсер қалдырды. «Он жылдан кейін өзің туралы не айтқың келеді?» деген сұрақ қойып, фотоға түсірдім. «10 жылдан кейін бір үйдің баласындай кім не айтқанын тыңдап, бірге қуанып еске түсіреміз» деген ойлары мені таң қалдырды!                                                                                                                           Кабдылкаримова Дария                                                                                                                              «Зерде» мектебінің әр оқушысы жолындағы әр түрлі кедергілерден өтіп, бірі жеңіске жетті, бірі жеңіске жетпесе де, бірлікке үйренді. Турслеттің мақсаты – балаларды бір – бірімен жақындастырып, мектептен тыс жерде табиғатта сыныптастарыңмен отбасы сияқты бірлікте болу.        

   Әлібек Лаура.                                                                                                                                               Шідертінің самал желі, таза ауасы, көркем табиғаты жан рахаты! Ол жерде сіз Табиғат – Ананың құшағына бөленесіз! Жақсы демалып, уақытыңызды керемет өткізесіз! Шідертінің таза ауасымен демалған Біздер ұстаздарымызға шексіз алғысымызды білдіреміз!

Оқырмандар конференциясы - оқушылардың кітап оқуға ынтасын оятатын,  оқыған шығармасын талқылаудағыөзара іс-әрекетінің кең тараған формасы. Апталық аясында «Бір ел-бір кітап» акциясы бойынша Кеңес Одағының Батыры, халық қаһарманы, жазушы Б.Момышұлының «Ұшқан ұя» повесі талданған болатын. 8-11-сыныптар, ұстаздар қауымы қатысқан бұл кеш өте тартымды өтті. Бауыржан аталарының бала кезіндегі басынан кешкен қызықты жағдайларын әңгімелеп, «Тұңғыш атасымен амандасу», «Ана махаббаты» және «Жарты санының әлегі» көріністерін сахналап, батыр аталарының балалық шағының отбасы қамқорында өскенін тамашалады. 9-сынып оқушыларының кейіпкер бейнесін ашудағы қойылымдары  оқырмандарды бір серпілтті. Әсіресе, үлкенге амандасу, ат шапан айыбын өтеу, «Өшкені жанып, өлгені тірілу», ауыл тентегін тыюдағы  «Қасқа», «Теріс бата» жаза түрлеріне қатысты оқиғаны әсермен баяндады. Туыстық қатынастар әке, апа, аға, нағашы арасындағы қарым – қатынастың бүгінгі күннің өзекті мәселесі екені де талданды. Балалардың жүректен шыққан ойлары, әженің махаббатын көрсетіп, кездескен мақал, ертегі, дәстүрлер туралы ашық, ойлы пікір айту, шығарманың тілімен талдап,таныту – бәрінің қолынан келе бермейтін ерекшелік екенін танытты. Кітапты бүге –шүгесіне дейін оқыған, қай жерінен сұрақ қойсаң да мүдірмей жауап берген  9-сынып оқушысы Мұхтарбек Әсел «Үздік оқырман» номинациясына ие болды. Көзге түскен ұшқыр ойлы оқушылар 8-10-сынып) Зарина Манапова , Даяна Амангелді , Дулат Жақсылық,  Дильназ Мерғалиева, Риза Қырықбаева, Айтолқын Нығмет, Даниэл Ихласов,Саида Акиповалар «Үздік әңгімеші», «Серпін», «Терең ой», «Өзекті ой» номинацияларымен марапатталды. Келесі конференция тақырыбы акцияға енген Немат  Келімбетовтың «Үміт үзгім келмейді» повесімен жалғасады.

                                                                                                             Исабаева Г.Б

2018 жылдың 8 және 9 қыркүйек күндері «Зерде» мектебінде ХХІ ғасыр ата - аналарының жауапкершілігін арттыруға, отбасы құндылықтарын дәріптей білуге арналған " XXI ғасырда Қазақстандық ата- ана: Өз балаңа үлгі бол" атты республикалық конференция өтті. Аталмыш шараның басты мақсаты - бірінші сынып оқушыларының және 10-11 сынып ата-аналарына психологиялық-педагогикалық тұрғыда көмек көрсету. Конференцияда отбасы құндылықтары, бала тәрбиесі, мектепке бейімделу және басқа да оқушылар мен ата-аналар үшін өзекті тақырыптары қозғалды. Ата - аналарға маңызды кеңестер беріліп, сәттілік тіледік.

“Language – the golden bridge of friendship” is the title of the week, which was held from the 17-th to the 20-th of September in our school “Zerde”.
The main aim of this event is to make students to respect all nationalities and languages of our multinational country.
Kazakhstan is a home to many different people who have various traditions and languages. Every year in September there is a “Day of Languages” which celebrates all the languages people speak in the country.
The solemn event of the 1-st day was held at school on Monday.
“Merry starts” competition was spent in English between two 4-th grades. Children could use their knowledge of English and sport skills. 4b class showed their creativity in greeting task. 4a class showed their good knowledge of language and fast reaction in the situation

 

Оқу жылының соңғы тоқсанында шәкірттеріміз әр түрлі деңгейде мектеп намысын абыроймен қорғап, дарындылар қоржынына қомақты жеңістер сыйлады! «Астана – асыл арманым» атты қалалық интеллектуалдық сайыста 9-сынып оқушысы Есентай Адия І дәрежелі Диплом мен кубок жеңіп алса; облыстық Робототехника сайысында 7,9-сынып оқушылары Якупов Ерназар мен Байғожин Темирлан ІІ орын; Республикалық «Жас қазақстандық – патриоттар Академиясы Президиумының Мүшесі» атағын 8-сынып оқушысы Манапова Зарина иеленіп, жаз айында өтетін Елбасымен кездесу форумына қатысу құқығына ие болды! Өнер сайысында топ жарған 8-сынып оқушысы Манарбек Мұхтар халықаралық өнер додасында ІІ орынды; Жеңіс күні қарсаңында өткізілген облыстық сайыс «Саптық байқауда» жүлделі ІІІ орынды иеленді! Еліміздің болашағын көркейтер, елжанды, білімді, адамгершілігі мол азамат болыңдар!